අක්ෂේ කුමාර්ගේ වැඩෙන් ශ්‍රැති හසන්ට කරකැවිල්ල හැදිලා

අක්ෂේ කුමාර් එක්ක මේ දවස්වල ‘ගබ්බර්’ චිත්‍රපටයේ රඟපාන ශ්‍රැති හසන්ට කරකැවිල්ල හැදිලා කියලා බොලිවුඩ්වලින් ආරංචි වෙනවා.


චිත්‍රපටයේ ගීතයක එක්තරා රූප රාමුවක් මුහුදු මට්ටමේ සිට මීටර් සියයක් පමණ ඉහළින් පිහිටි ප්‍රපාතාකාර කඳු මුදුනකයි රූපගත කරන්න යොදාගෙන තිබුණේ. මේ රඟපෑම අතරතුර ශ්‍රැතිට කරකැවිල්ල හැදිලා තියෙන්නේ ඇයට සාමාන්‍යයෙන් උස තැන්වල ඉන්න තියෙන භීතිකාවක් තියෙන නිසාලු. මේ නිසා රංගනයේදී ඇගෙන් බලා‍පොරොත්තු වුණු ඉරියව් සහ ඒ අවස්ථාවට අවශ්‍ය ප්‍රේමණීය හැඟීම් කිසිවක් ඇගේ මුහුණෙන් ප්‍රකාශ වුණේ නැහැ කියලයි දැනගන්න ලැබෙන්නේ.

ඒත් තමන්ගේ භීතිය නැතිකරගත්ත අක්ෂේ හොඳ සහයෝගයක් දුන්නා කියලා ශ්‍රැති නම් කියන්නේ. ගැඹුරින් හුස්ම ගන්න කියලා අක්ෂේ ශ්‍රැතිට උපදෙස් දීලා තියෙනවා. ඊට පස්සේ නම් ශ්‍රැති බය අමතක කරලා අදාළ දර්ශනය ගොඩක් හොඳින් රඟපාලා තියෙනවා.
රූපගතකිරීමෙන් පස්සේ ශ්‍රැති අක්ෂේට නොසෑහෙන්න ස්තූති කරලා තියෙනවා. තමන්ගේ කරකැවිල්ල නැතිකරලා දුන්නට.