මාලක සිල්වා ගැටුම - CCTV මගින් හෙළිවන තොරතුරු

අධික ලෙස බීමත්ව........

                    01 වැනිදා අලුයම 1.00 ට පමණ මාලක සිල්වා ඇතුළු පිරිස බම්බලපිටිය ප්‍රදේශයේ පිහිටි රිදම් ඇන්ඩ් බ්ලූස්‌  රාත්‍රි සමාජ ශාලාව වෙත පැමිණ ඇත්තේ අධික ලෙස බීමත්ව බව පරීක්‍ෂණවලදී අනාවරණය වී ඇත.

     පහරකෑමට ලක්‌වූ බ්‍රිතාන්‍ය ජාතිකයාගේ උපන් දිනය එදිනට යෙදී තිබුණු අතර ඔහු සිය පෙම්වතිය සමඟ එහි පැමිණ නටමින් විනෝද වෙමින් සිට ඇත. එම අවස්‌ථාවේදී මාලක සිල්වා බ්‍රිතාන්‍ය ජාතිකයාගේ පෙම්වතිය සමඟ රංගනයේ යෙදී තිබේ.

   එහිදී එම තරුණිය සහ මාලක සිල්වා අතර බහින්බස්‌ වීමක්‌ සිදුවී තිබේ. පසුව මාලක සිල්වා ඇයට පහර දී ඇතැයි කියති. එම අවස්‌ථාවේදී බ්‍රිතාන්‍ය ජාතිකයා තම පෙම්වතිය බේරාගැනීමට උත්සාහ කරද්දී සැකකාර මාලක සිල්වාගේ ආරක්‍ෂකයන් ඔහුට සහ පෙම්වතියට අමානුෂික ලෙස පහර දී ඇත.

සමාජ ශාලාවේ කාර්ය මණ්‌ඩලය මැදිහත්වී විදේශිකයා සහ ඔහුගේ පෙම්වතිය බේරාගෙන ඔවුන් දෙදෙනා රෝහල්ගත කර තිබේ.

මෙම පහරදීමේ සිද්ධියේ සියල්ල සමාජ ශාලාවේ සී. සී. ටී. වී. කැමරාවල සටහන්ව තිබෙන අතර ඒ ඔස්‌සේ සෙසු සැකකරුවන් අත්අඩංගුවට ගැනීමට නියමිතය.

රාත්‍රි සමාජ ශාලාවේ කාර්ය මණ්‌ඩලය, පොලිසියට පවසා ඇත්තේ මාලක සිල්වා එහි පැමිණෙන සෑම අවස්‌ථාවකදීම මෙවැනි ගැටුමක්‌ ඇතිවීම සාමාන්‍ය සිදුවීමක්‌ කියාය.

මෙම විදේශ යුවළට පහරදීමේ සිද්ධියට සම්බන්ධ මාලක සිල්වාගේ ආරක්‍ෂකයන් බව කියන පුද්ගලයන් හත්දෙනකු මේ වන විට අතුරුදන්ව සිටින අතර ඔවුන් අත්අඩංගුවට ගැනීම සඳහා කොළඹ අපරාධ කොට්‌ඨාසය පුළුල් පරීක්‍ෂණ ආරම්භ කර තිබේ. 

එම සිද්ධියේදී බ්‍රිතාන්‍ය ජාතිකයා තමන්ට පහර දුන් බව කියමින් මාලක සිල්වා කොළඹ පෞද්ගලික රෝහලකට ඇතුළත් වී සිටී.

සැකකාර මාලක සිල්වා පොලිසිය විසින් අත්අඩංගුවට ගනු ලැබුවේ එම රෝහලේ ප්‍රතිකාර ලබමින් සිටියදීය.

ඔහු බන්ධනාගාරගත කරන ලද්දේ මහෙස්‌ත්‍රාත්වරයා රෝහල වෙත ගොස්‌ පරීක්‍ෂා කිරීමෙන් අනතුරුවය. මේ වන විට සැකකාර සිල්වා බන්ධනාගාර නිලධාරීන්ගේ රැකවරණය මැද එම පෞද්ගලික රෝහලේම  රිමාන්ඩ් සිරකරුවෙක්‌ ලෙස ප්‍රතිකාර ලබමින් සි 

මේ සිද්ධියට අදාළ විදේශීය පුද්ගලයා කොට්ටාව ප්‍රදේශයේ ඉදිකිරීම් සමාගමක ඉන්ජිනේරුවෙක් බවත් ඔහු ජේමිස් ෆැරැන්සිස් නමැති 43 හැවිරිදි ස්කොට්ලන්ත ජාතිකයකු වන බවට තොරතුරු අනාවරණය වී ඇතැයි හෙතෙම කීය. එම ස්කොට්ලන්ත ජාතිකයාගේ් උපන් දිනය සැමරීම නිමිත්තෙන් ඔහුගේ පෙම්වතිය වූ එංගලන්ත ජාතික 24 හැවිරිදි බ්ලින්ඩා මැකන්සි නැමැත්තිය හට මෙරටට පැමිණීමට ආරාධනා කර ඇති බවටත් ඒ අනුව ඇය පසුගියදා (29දා) ශ්‍රී ලංකාවට පැමිණ ඇති බවටත් මේ සිද්ධිය සම්බන්ධයෙන්  පරීක්ෂණ කටයුතු මෙහෙයවනු ලබන කොළඹ අපරාධ කොට්ඨාසයේ නිලධාරීන් වෙත හෙළි වී ඇති බව  සඳහන් කෙළේය.