Have you not feeling SEX???

විවාහක පුද්ගලයින් දෛනිකව ලිංගිකව හැසිරීම සඳහා මැලිකමක් දක්වන බව විවාහක කාන්තාවන් ඇසුරින් සිදුකළ සමීක්ෂණයකින් අනාවරණය වී තිබේ.

කින්සි ආයතනය විසින් සිදුකළ මෙම සමීක්‍ෂණයකට අනුව විවාහක කතුන්ගෙන් අඩක් පමණ මසකට කිහිපවරක් පමණක් ලිංගිකව හැසිරීමෙන් තෘප්තිමත් වන බව වාර්තා වේ.

කින්සි ආයතනය පවසන්නේ තම සමීක්ෂණයට එක්වූ කාන්තාවන් 10%ක් පමණ ලිංගිකව එක්වන්නේ මසකට එක්වරක් පමණක් බවයි.

විවාහක කාන්තාවන් සතියකට වරක් හෝ මසකට දෙවරක් ලිංගිකව එක්වීමෙන් සෑහීමට පත්වීම අසාමාන්‍ය තත්වයක් නොවන බව ලොස් ඇන්ජලීස්හි මනෝ වෛද්‍ය ඉවෝන් තෝමස් පවසා තිබේ.

ඇය පවසා ඇත්තේ විවාහක ජීවිතයේ ඇති පීඩනය, වෙහෙස සහ හදිසියේ පැමිණෙන අමතර වියදමක් හෝ රෝගී තත්වයක් විසින් ඇති කරන ආතතිය දෙදෙනාට එක්වීමට ඇති උවමනාවට බාධාකාරී වන බවයි.

එමෙන්ම ජීවිතයේ ඇති උද්වේගකර බව, අභියෝගාත්මක බව සහ රහසිගත දෙය විවාහ වීම සමග අතුරුදන් වීමද මෙයට හේතුවක් බව තෝමස්ගේ අදහසයි.

මෙම තත්වය යම් කාන්තාවකට මානසික වියවුලක් නම් ඒ සඳහා යෝජනා කිහිපයක් ඉදිරිපත් කරන ඉවෝන් තෝමස් පවසන්නේ තම සහකරු උත්තතේජනය වන දේ කිරීම, ආදර චිත‍්‍රපටයක් එකට නැරඹීම, සතිපතා රාත‍්‍රි ආහාරයට පිටතට යාම ආදී දේ සිදුකිරීම මගින් දෙදෙනා අතර ලිංගික අවශ්‍යතාව උද්දීපනය කරනු ඇති බවයි.